Sérfræðingur í upplýsingaöryggi

Við leitum að öflugum einstaklingi í starf sérfræðings í upplýsingaöryggi í Kerfisrekstri á Upplýsingatæknisviði Landsbankans.

Kerfisrekstur ber ábyrgð á öruggum og traustum rekstri grunnkerfa bankans. Meginhlutverk deildarinnar er að hámarka gæði og uppitíma tölvukerfa og tryggja öruggt aðgengi viðskiptavina og starfsfólks að kerfum og gögnum.

Helstu verkefni og ábyrgð

• Rekstur og eftirlit með öryggis- og varnarkerfum
• Greining á netógnum, veikleikum og öryggisatvikum
• Viðbrögð við netöryggisatvikum og eftirfylgni með úrbótum
• Gerð og viðhald áhættumats og verklags
• Öryggisrýni, ráðgjöf og miðlun þekkingar í samstarfi við innri og ytri sérfræðinga

Menntunar- og hæfniskröfur

• Menntun eða reynsla á sviði upplýsingatækni, kerfisreksturs, netöryggis eða tengdu sviði
• Áhugi á upplýsingaöryggi og vilji til að þróast á því sviði
• Hæfni til að greina vandamál og vinna markvisst að lausnum
• Sjálfstæð og skipulögð vinnubrögð ásamt góðri hæfni í samskiptum og miðlun þekkingar
• Reynsla af öryggislausnum, veikleikastýringu eða öryggisvöktun er kostur